BE 254 - DI NA PONJOT ROHANGKU
VERSE 1
O Jesus Sipangolu, parasiroha i
Sai loas au mangolu, palas ma rohangki
Pasihar ma bohingku, pangolu ma tondingku
Tangihon hatangki.
VERSE 2
Sai sesa ma dosangku, huhut padao ma i
Paombun ma rimasMu, di au parjahat i
Gok dame baen rohangku, o Tuhan Debatangku
Tangihon hatangki
VERSE 3
Pabali sian ahu Sude na roa i
Na mangingani ahu, mangago tondingki
Ho naeng ihuthononku, Ho naeng pasangaponku
O Jesus Tuhanki.
VERSE 4
Patiur ma rohangku, marhite TondiMi
Ai naeng do antusanku, hataM na denggan i
Naeng haporseaonku, tongtong hasintonganmu
Padaohon jea i.
VERSE 5
Pagorgor di rohangku, ma holong ni roham
Ai naeng haholonganku, do Ho ro di hatam
Sai naeng pasauthononku, do lomo ni rohaMu
Dibaen denggan basaM.
VERSE 6
Antong sai pargogoi ma au on na bojok i
Ai ingkon dipatupa Tondim do i sude
Tung aha ma gogongku Lao mangoloi patikMu?
Di au soada be.
VERSE 7
Dibahen i Tuhanku, asi ma rohaMi
Pauba ma rohangku, sai pargogoi ma i.
Tongtong ingani ahu, huhut sai togu ahu
Tu dalan na ture.
0 Response to "BE 254 - DI NA PONJOT ROHANGKU"
Post a Comment