BE 355 - TONGTONG TUTU NA DENGGAN DO
VERSE 1
Malungun do rohangkinon, di ariMi, o Tuhan
Andigan jumpang haroroM, manopot hasudungan
Ni rohaMi ai ala nii, sonang do rohanami, hataM huingot hami
VERSE 2
Sai hupaima hami Ho, Ho do pangulunami
Ai nunga pola mate Ho, pasaehon dosanami
Dibahen i pos rohangki, sai urupanMu hami, di pardalanannami.
VERSE 3
Sai huhaposi hami Ho, di sitaononnami
Naung saor tu tondinami do TondiM, o Tuhannami
Asi rohaM, ale Tuhan, parade rohanami, di haroroM tu hami.
VERSE 4
Masihol rohanami be, di hasonangan sogot
Na so mansohot be tahe, tusi ma au pabongot
Na jinouMi tu lambungMi, sai tong do las rohana, tiur huhut langkana
VERSE 5
Sai ro ma Ho tu hami on, ungkap do rohanami
Naeng ingananmu i tongtong, pasaut pangeleknami
Di haroroM tu hami on, marolopolop hami, Ho pasangaponnami.
0 Response to "BE 355 - TONGTONG TUTU NA DENGGAN DO"
Post a Comment