BE 24 - TATAP HAMI ON
VERSE 1
Tatap hami on na pungu dison, Ai na naeng pujionnami
denggan ni basaM di hami, Tatap hami on na pungu dison
VERSE 2
Togu hami on na mardosa on, Ale Jesus Tuhannami
Sai asi rohaM di hami, Togu hami on na mardosa on.
VERSE 3
Sai ramoti be hami on sude, Maradophon musunami
asa unang mago hami Sai ramoti be hami on sude
VERSE 4
Sai urasi be hami on sude Asa muba rohanami
jala ias tondinami Sai urasi be hami on sude.
VERSE 5
Sai ajari be hami on sude Asa lam huboto hami
dalan sidalanannami Sai ajari be hami on sude
VERSE 6
Sai pintori be hami on sude Molo unduk rohanami
manopoti dosanami Sai pintori be hami on sude
VERSE 7
Sai padungo be hami on sude Unang loas modom hami
di bagasan dosanami Sai padungo be hami on sude
VERSE 8
Sai pamasuk be hami on sude Di na jumpang ajalnami
molo suda bohalnami Tu ingananMi hasonangan i.
0 Response to "BE 24 - TATAP HAMI ON"
Post a Comment