BE 51 - TOLE PUJI MA TUHANTA
VERSE 1
Tole puji ma Tuhanta, tu Ibana ma rohanta
Asa girgir parendenta, ale dongan Kristen i.
VERSE 2
Dosa dohot hamatean, bolis dohot hamagoan
Talu ala naung diboan, Jesus hangoluan i
VERSE 3
Sai tandai ma denggan basa, ni Jahowa Debatanta
Dibasahon do AnakNa, baen hangoluanta i
VERSE 4
I ma holong ni rohaNa, jolma do dibaen donganNa
Dohot tu harajaonNa, hita diarahon do
VERSE 5
Nunga binsar panondangi, haholomon disondangi
Na masihol i didaoni, dipangolu do sude
VERSE 6
Ale Jesus haholongan, boan ma tu hasonangan
Hami na di parjalangan na manghalungunhon Ho
VERSE 7
Asa di joloM ma hami, mangendehon endenami
Raphon angka dongannami, angka pardisurgo i
0 Response to "BE 51 - TOLE PUJI MA TUHANTA"
Post a Comment