BE 81 - JESUS MUAL NI NGOLUNGKU
VERSE 1
Jesus mual ni ngolungku, sipangolu tondingki
Ai dibunu Ho musungku, ima hamatean i.
Ho manaoni hamagoan, patupahon hangoluan
Alani hupuji Ho, tung marribu hali do.
VERSE 2
Haleaon, insahinsak, reherehe, tijur pe
Tali dohot pastappastap, tung ditaonhon Ho sude
Paluahon au na pogos, sian tangan ni sibolis
Alani hupuji Ho, tung marribu hali do.
VERSE 3
Bugang sada tanggurungMu di na hona linsing i
Hamamalum ni bugangku na di rohangki do i
Ho do gabe binuraan au dapotan hangoluan
Ala ni hupuji Ho tung marribu hali do
VERSE 4
Sungsang duri ditumpalhon, panginsahi i tu Ho
Jala tolong dilibashon tu uluM, pasiak Ho.
I ditaonhon Ho, Tuhanku, ala ni hajungkatonku.
Ala ni hupuji Ho tung marribu hali do.
VERSE 5
Tung tanganMu dohot patMu, ditorusi labang i
Jadi tiris ma mudarMu sian hau parsilang i,
I do mual paridian di au jolma na hansitan.
Ala ni hupuji Ho tung marribu hali do.
VERSE 6
Sai pinuji ma GoarMu ala ni na bernit i
Dohot ala ni mudarMu Jesus na nilehonMi
Lao pasaehon dosanami asa unang mago hami
Ho hupuji ala ni salelenglelengna i.
0 Response to "BE 81 - JESUS MUAL NI NGOLUNGKU"
Post a Comment