BE 234 - O JESUS TATAP MA TUSON

VERSE 1

Di rumang ni portibi on

Sai tong do lilu rohangkon

Hujujur hatigoranki

Hupangasahon burjungki

VERSE 2

Dung na hutatap Tuhanki

Hutanda hahuranganki

Lam tu balgana i antong

Ai lam huboto dangolhon.

VERSE 3

Hurangan au di sasude

Sipangasahononhon i

Na so barani rohangkon

Manaringoti diringkon.

VERSE 4

Marhahurangan saluhut

Sap dosa do sude huhut

Ndang na manahan rohangki

Di jolo ni Debatangki

VERSE 5

Na gabe tunduk nama au

Tu Tuhan Jesus do au lao

Naung mate Ho di Golgata

PadoMu au tu Debata.

VERSE 6

Di tingki ni Tuhanta i

Do songgop hatiuron i

Mulai mauas rohangkon

Tarsunggul do hot rohangkon

VERSE 7

Huhalungunhon Hata ni

Tuhanku Sipangolu i

Na hubege sai hutohoi

Mardongan Tuhan huoloi.

VERSE 8

Haimbaruon do soluk

Tu halumlamon na so tuk

Mardame do huhilala

Dibaen Jesusku, Debata.

VERSE 9

Jesusku hatigoranki

Sasada Ho paheanki

Saleleng au di tano on

Nang dung marujung ngolungkon.

VERSE 10

Ndang na tarhirim au disi

Saleleng ni lelengna i

Asal ngolungkon situtu

Tung Ho, Tuhanku na burju.

Share this post