BE 285 - BINSAN RO ASI NI ROHA
VERSE 1
Sai ditongos Debatamu, na hasea i di ho
Nang beha parsorionmu, asal di Jesusmu ho.
VERSE 2
Na holsoan ala modom Jesus di rohana i
Magopo do morongorong, ai muse maila i.
VERSE 3
Sai tongtong marroha ama Debatanta i, ale
Sai tongtong do dihilala, arsak ni roham sude.
VERSE 4
Sai porsea na dumenggan dipatongon Debatam
Ndang tongtong ho marsitaonon asal ma hohom roham.
VERSE 5
Ia naeng diadiaon, rohami pabenget ma
Ai sude do sinarihon ni Tuhanta Debata
VERSE 6
Hagogoon ni Tuhanta ndang marparbolatan i
Ndada pola jut rohana sungkot pingkiranNa i.
VERSE 7
Di na jumpang i arina, ro pangurupina i
Ai tompu do harorona, pailahon holsomi.
VERSE 8
Sai martua do sudena, na marhabengeton i
Asal ma burju rohanta, ndang maol patupahon i
VERSE 9
Marhaposan tu goarMu Jesus, olo au hohom
Sai patulus ma sangkapMu, manang dia pe lomoM.
0 Response to "BE 285 - BINSAN RO ASI NI ROHA"
Post a Comment