BE 327 - AUT NA SARIBU HALI GANDA

VERSE 1

Marujung do nuaeng saminggu, alai basaM ndang songon i

Ai songon na niusehonMu, pasupasuM tu rohangki

Laos songon i tu jolo on, naeng tongosonMu i tongtong.

VERSE 2

Hupuji Ho, o Debatangku, mauliate au di Ho

Dibaen sude na nilehonMu, di au huhut huboto do

Las do rohaM di endengki, marhitehite Jesus i.

VERSE 3

Tutu adong do na hutaon, saminggu on ditongos Ho

Ditumpak Ho do au manaon, i pe godang na denggan do

Dihorhon na hutaon i. antong hupuji goarMi.

VERSE 4

Nuaeng adong pangidoanku, na ringkot situtu di au

Sai unang ingot be dosangku, asi rohaM urasi au

Marhitehite mudar ni naung manggarari utangki.

VERSE 5

Ndang ubaonMu na nidokMu, sai hot ma bagabagaMi

Pardosa do pangoluonMu, ianggo marsak roha ni

Huhut diboan dosa i, tu Jesus Kristus AnakMi.

VERSE 6

I ma tiniop ni rohangku, di haporseaonna i

Umbahen na las nuaeng rohangku, lao paujungkon minggu i

Ai nunga sonang rohangki, dibaen pangkirimonna i.

VERSE 7

Alai naung ganda do umurhu, dibahen i jumonok do

Hatiha ni panadingkonku, di tano on tumopot Ho

Hobas hian baen tondingki, tumopot hasonangan i.

VERSE 8

Ia tarsunggul au manogot, di Minggu na imbaru i

Marlasniroha ma hutopot, bagasMu parmingguan i

Ai jaloonku ma disi hataM na sun badia i.

VERSE 9

Antong nuaeng hian hupuji na naeng lehononMi dope

Tarida do pangkaholongi ni rohaMi di au muse

Ditogu Ho tu banuaM au sian tahi ni rohaM.

Share this post