BE 334 - NASA JOLMA INGKON MATE

VERSE 1

Nasa jolma ingkon mate, ingkon mago sibuk i

Na mangolu ingkon mate, asa tung denggan muse

Daging on do gabe bangke, jala ingkon do malangke

Asa sogot bangkit i, tu hasangaponna i

VERSE 2

Ipe ndang be juaonku, roha ni Debatangki

Lehononku do hosangku, ndang be marsak au disi

Ai di bugang ni Jesusku, dapot au hangoluanku

Ala hamamate ni do tarapul rohangki.

VERSE 3

Jesus Kristus nunga mate, ala ni mangolu au

Singkop tua diparade, i pe las rohangku lao

Manadingkon pardagangan, mandapothon hasonangan

Mandapothon Jesuski, ai malungun au tusi.

VERSE 4

Sonang ma disi rohangku, molo jongjong au disi

Dohot sasude donganku, na marhasangapon i

Dohot Serapim silehon sangap nang hamuliaon

Di niendehonNa i, sangap di Tuhanta i.

VERSE 5

Dohot do disi maringan, na badia i sude

Ompu dohot panurirang, nang sude Apostel pe

Ai marriburibu taonna, lao tumopot ingananNa

Angka na badia i, pasangaphon Tuhan i.

VERSE 6

O Jerusalem na uli, tiur ni panondangMi

Sonang dohot au maruli, tumangihon endeMi

On pe timbul las ni roha, on pe binsar nasa tua

On ma ari i tahe, na so olo salpu be.

VERSE 7

Ai idaon ni matangku, hasangapon i sude

Hatigoran do uloshu, na pasangap au muse

Pinarsanggul hamonangan, jongjong au di hasonangan

Maradophon Debata, sai tongtong, Haleluya

Share this post