BE 340 - HAMU SALUHUT HALAK

VERSE 1

Tibu ma ro tingkingku, lao bongot tu bagashu, di hasonangan i

Hamuna natorashu, ndang jadi andunganmu, au na manopot surgo i

VERSE 2

Jempek tutu ngolungku, dumenggan do jambarhu na sian Debata

Ndang songgop be sahithu, ndang tubu be arsakku, las rohangki sambing nama

VERSE 3

Ndang leleng dipasombu Tuhanta, au mangolu di partangisan on

Ianggo mate iba, di haposoonniba, tau las ni roha i tongtong

VERSE 4

Ndang au be hahuaon ni nasa hajahaton, na di portibi on

Tung ise mangarsahi, sude na sonang muli, tu hasonangan na tongtong?

VERSE 5

Las rohamu najolo, marnida pangalaho ni anakmuna on

Nuaeng tutu ma marsak, hamu dibaen dakdanak, na bongot tu tanoman on.

VERSE 6

Padirgak ulumuna tumatap Amamuna, sai unduk ma hamu

Di nasa pambaenanNa, na sai tongtong marhata, asa tarapul rohamu.

VERSE 7

Diboto Debatanta, na tau hangoluanta, sitongosonNa i.

Ndang dung adong na masa, na so pinatupana, tongtong denggan do i sude

VERSE 8

Ai molo sogot jumpang hamu au di na sonang, marulos na bontar

Marsanggul hangoluan, marmare hamonangan, disi ma i muse patar.

VERSE 9

Disi ma pujionmu, rap dohot au, anakmu Tuhanta Jesus i

Ipe sai hadengganhon nuaeng sude pambaenan Ni Debata Amanta i.

Share this post