BE 341 - TIBU MA JUMPANG

VERSE 1

Tibu ma jumpang tingki ni panopot ni Tuhanta

Di hita manisia i, mandabu paruhumna

Tu nasa na mangolu i, nang tu sude naung mate pe,

I ma didok hataNa.

VERSE 2

Tarbege ma soara ni sarune ni suruan

Dung i na hehe ma sude, na modom di tanoman.

Alai mamintor muba be, saluhut na mangolu pe

Dibaen Tuhanta Jesus.

VERSE 3

Dung i jahaon ma tibu, pustaha panuratan

Di nasa naung hea tutu, binaen ni hajolmaon.

Disi dibege sasude, torang na niulana be

Saleleng di ngoluna.

VERSE 4

Marjea ma disi sude, panjua ni Tuhanta

I ma na nilohotan be, ni arta na lao sega.

Ihuthononna ma disi sibolis, sipangago i

Lao tu banuatoru.

VERSE 5

Urupi Jesus, au disi, hinorhon ni mudarMu

Asa tarsurat goarhi, di sipangoluonMu.

Na pos do rohangki disi, ai nunga talu musu i

Margarar pe utangku.

VERSE 6

Dibahen i, ondihon au di ari paruhuman

Sai Ho ma paluahon au, rap dohot angka dongan

Ho ma pujionnami be, dung sahat hami sasude

Di surgo niungkapMu.

VERSE 7

O Jesus leleng do hape, ariM paimaonnami

Mabiar hami sasude, dibaen sitaononnami.

Sai ro ma Ho, ro ma tibu, palua hami situtu

Sian sude pangago.

Share this post